မေ ၁၀။

 

လွိုင်ကော်တက္ကသိုလ် Non-CDM ပါမောက္ခချုပ် အပါအဝင် ၅ ဦးကို က ပြစ်ဒဏ်လွတ်ငြိမ်းခွင့် ပြုလိုက်တယ်လို့ ကရင်နီပြည် ကြားကာလအုပ်ချုပ်ရေးကောင်စီ- IEC က မေလ ၉ ရက် မနေ့က ထုတ်ပြန်ပါတယ်။

 

လွတ်ငြိမ်းခွင့်နဲ့ ကြီးကြပ်စစ်ဆေးရေးဘုတ်အဖွဲ့ရဲ့ တင်ပြမှုနဲ့လူသားချင်း စာနာထောက်ထားမှုကို ဦးစားပေးမှုတို့ကြောင့် မေ ၈ ရက်ကစလို့ ကရင်နီပြည်နယ် ကြားကာလတရားစီရင်ရေးဥပဒေ ပုဒ်မ (၃၂) အရ လွတ်ငြိမ်းခွင့်ပြုလိုက်ရတာ ဖြစ်တယ်လို့လည်း ထုတ်ပြန်ချက်မှာ ဖော်ပြထားပါတယ်။

 

လွတ်ငြိမ်းခွင့်ပြုလိုက်သူတွေမှာ လွိုင်ကော်တက္ကသိုလ် ပါမောက္ခချုပ် ဦးအောင်ခင်မြင့် အပါအဝင် ဒေါ်လှလေးမြင့်၊ ဒေါ်ယဥ်ယဥ်နိုင်၊ ဒေါ်မို့မို့ထွန်း၊ ဒေါ်သီတာတို့ ပါဝင်တယ်လို့ သိရပါတယ်။

 

အခု လွတ်ငြိမ်းခွင့်ပေးလိုက်သူ ၅ ဦး အပါအဝင် လွိုင်ကော် တက္ကသိုလ်က Non- CDM ဆရာ၊ ဆရာမတွေနဲ့ မိသားစုဝင် ၂၀၄ ဦးကို ၂၀၂၃ ခုနှစ်၊ နိုဝင်ဘာလအတွင်း ဖြစ်ပွားခဲ့တဲ့တိုက်ပွဲတုန်းက ကရင်နီတပ်ဖွဲ့တွေက ကယ်ထုတ်ထားတာ ဖြစ်ပါတယ်။

 

Burma Associated Press