စက်တင်ဘာ ၄။

မြဝတီမြို့ ထွေအုပ်ရုံး ယမန်နေ့က ဗုံးကြဲခံရမှုဖြစ်စဉ်တွင် ခရိုင်အုပ်ချုပ်ရေးမှူးအပါအဝင် ၅ ဦး သေဆုံးခဲ့သည်ဟု စစ်ကောင်စီဘက်က ပေါက်ကြားလာသည့် ကြေးနန်းအရ သိရသည်။

 

တိုက်ခိုက်ခံရမှုအပြီး မြ၀တီခရိုင်အုပ်ချုပ်ရေးမှူး၊ ခရိုင်ထွေအုပ်ဦးစီးနှင့် ထွေ/အုပ်အကြီးတန်း စာရေးတို့က ဒရုန်းဗုံးထိမှန်၍ ပွဲချင်းပြီးသေဆုံးခဲ့သည်ဟု ဖော်ပြထားသည်။

 

ထို့နောက် ဗိုလ်မှူးတစ်ဦးနှင့် ယာဉ်ထိန်းရဲအုပ်တို့က ပြင်းထန်ဒဏ်ရာဖြင့် ဆေးရုံတွင် သေဆုံးခဲ့သည်ဟု သိရသည်။

 

သေဆုံးသူများအပြင် ဒဏ်ရာရရှိသူ ၁၁ ဦးထက်မနည်းရှိသည်ဟုလည်း အဆိုပါကြေးနန်းတွင် ဖော်ပြထားသည်။

 

အဆိုပါဒရုန်းဗုံးကြဲတိုက်ခိုက်မှုကို စက်တင်ဘာ ၃ ရက် ၇ နာရီခန့်အချိန်တွင် Federal Wings အဖွဲ့က လုပ်ဆောင်ခဲ့ခြင်းဖြစ်သည်။

 

Burma Associated Press