စက်တင်ဘာ ၁၅။

 

တစ်နိုင်ငံလုံး ရေဘေးအန္တရာယ်ကျရောက်နေချိန်မှာ စစ်ကောင်စီက နောင်ချိုမြို့ကို လေကြောင်းကတစ်ဆင့် ပေါင် ၅၀၀ ဗုံး နှစ်လုံးအပြင် ရော့ကတ်ဒုံးအသုံးပြုကာ ပစ်ခတ်တိုက်ခိုက်ခဲ့တာကြောင့် အမျိုးသမီးတစ်ဦး ထိခိုက်ဒဏ်ရာရခဲ့တယ်လို့ သိရပါတယ်။

 

မ​နေ့က စက်တင်ဘာ ၁၄ ရက် နေ့လယ်ပိုင်းအချိန်က နောင်ချိုမြို့ သပြေရပ်ကွက်က ပြည်သူတွေနေထိုင်ရာနေရာကို တိုက်ခိုက်ခဲ့တာလို့ တအာဝ်းအမျိုးသားလွတ်မြောက်ရေးတပ်မတော် (TNLA)က အသိပေးထားပါတယ်။

 

နေ့လယ် ၁ နာရီကနေ ၂ နာရီခွဲအချိန်ထိ Jet fighter ဖျက်အားပြင်းလက်နက်ဖြစ်တဲ့ ပေါင် ၅၀၀ ဗုံး (၂)လုံး လာရောက်​ဗုံးကြဲတိုက်ခိုက်ခဲ့ရာ တစ်လုံးပေါက်ကွဲခဲ့ပြီး ကျန်တစ်လုံးမှာ ပေါက်ကွဲခြင်းမရှိခဲ့ဘူးလို့ဆိုပါတယ်။

 

ဗုံးကြဲတိုက်ခိုက်ခဲ့လို့ အမျိုးသမီးတစ်ဦး ထိခိုက်ဒဏ်ရာရရှိခဲ့ကာ လူနေအိမ်အဆောက်အဦ​တွေ ထိခိုက်ပျက်စီးခဲ့တယ်လို့ သိရပါတယ်။

 

သြဂုတ်လ ၁၃ ရက်ကလည်း လေကြောင့်အသုံးပြုပြီး နောင်ချိုမြို့အတွင်း ဗုံး(၁၃)လုံး လာရောက်ပစ်ခတ်တိုက်ခိုက်ခဲ့လို့ လူနေအိမ်ထိခိုက်ပျက်စီးခဲ့တယ်လို့ TNLAက အသိပေးထားပါတယ်။

 

စစ်ကောင်စီတပ်ဟာ မြန်မာနိုင်ငံတဝှမ်းတွင် ရေဘေးအန္တရာယ်ရင်ဆိုင်နေရတဲ့အချိန် TNLA အုပ်ချုပ်နေတဲ့ မြို့​တွေဖြစ်တဲ့ ကွတ်ခိုင်၊ နမ့်ဆန်၊ မန်တုံ၊ သီပေါ၊ ကျောက်မဲ၊ နောင်ချိုနှင့် နမ့်ခမ်းမြို့များကို တိုက်ခိုက်နေတယ်လို့ သိရပါတယ်။

 

ဓါတ်ပုံ-TNLA

Burma Associated Press