နိုဝင်ဘာ ၁၅။

နိုဝင်ဘာလ ၁၂ မှ ၁၄ ရက်အထိ စစ်ကိုင်းတိုင်း၊ ကသာခရိုင်၊ ထီးချိုင့်မြို့နယ်၊ သခွတ်ချောင်ရွာ၊ ကိုးတဲရွာ၊ အလယ်တောရွာနှင့် အင်းတိန်ရွာသို့ စစ်အုပ်စုက ဂျက်ဖိုက်တာများဖြင့် ဗုံးကြဲတိုက်ခိုက်ခဲ့သောကြောင့် အသက် (၂)နှစ်အောက်ကလေးငယ် (၂)ဦး၊ အသက်(၆) နှစ်အရွယ်ကလေးငယ် (၁) ဦး၊ ကိုယ်ဝန်ဆောင်မိခင် (၁) ဦး အပါအဝင် ပြည်သူ ၁၇ ဦးသေဆုံးခဲ့သည်ဟု NUG ကဆိုသည်။

 

ပြည်သူများ၏ နေအိမ်များ၊ ဘုန်းကြီးကျောင်းများလည်းပျက်စီးခဲ့သည်ဟုဆိုသည်။

 

ထိုအချိန်တွင် တိုက်ပွဲများဖြစ်ပွါးနေခြင်းမရှိဟုလည်း NUG ကဆိုသည်။

 

လူ့အခွင့်အရေးဆိုင်ရာဝန်ကြီးဌာနအနေဖြင့် ပြည်သူတစ်ရပ်လုံး တန်းတူညီမျှမှုရရှိရေး၊ ငြိမ်းချမ်းရေးနှင့် တရားမျှတမှုရရှိရေးတည်းဟူသော ဦးတည်ချက်များကို ခိုင်ခိုင်မာမာလက်ကိုင်ဆွဲထား၍ အကြမ်းဖက်စစ်တပ်၏ ကျုးလွန်မှုများကိုအပြစ်ပေးအရေးယူနိုင်ရေး အစွမ်းကုန်တာဝန်ယူဆောင်ရွက်သွားမည်ဟုလည်း ​ဖော်ပြထား သည်။

 

ရုပ်ပုံများ -NUG

 

Burma Associated Press