နိုဝင်ဘာ ၁၄။

 

စစ်ကိုင်းတိုင်း၊ ကောလင်းခရိုင် မြို့သိမ်းတိုက်ပွဲတွင် မြန်မာ့စီးပွားရေးဘဏ်မှ ရရှိထားသည့် ကျပ်ငွေ သန်းပေါင်း ကိုးရာကျော် (၉၅၂.၃၄၃) ကို စနစ်တကျ စီမံခန့်ခွဲနေကြောင်း အမျိုးသားညီညွတ်ရေးအစိုးရ၊ ကြားကာလ ဗဟိုဘဏ်က ထုတ်ပြန်သည်။

 

ကောလင်းမြို့ကို အမှတ် (၁) စစ်ဒေသ၊ ကောလင်းခရိုင်ကွပ်ကဲမှု အစီအစဉ်ဖြင့် ကချင်လွတ်လပ်ရေး တပ်မတော် (KIA)၊ ပြည်သူ့ကာကွယ်ရေးတပ်မတော် (PDF)၊ ပြည်သူ့ကာကွယ်ရေးအဖွဲ့ (ပကဖ)နှင့် တော်လှန်ရေးအဖွဲ့များက နိုဝင်ဘာ ၆ ရက်က တိုက်ခိုက်သိမ်းပိုက်နိုင်ခဲ့ခြင်းဖြစ်သည်။

 

NUG ကြားကာလဗဟိုဘဏ်အနေဖြင့် ကောလင်းခရိုင်၊ မြန်မာ့ စီးပွားရေးဘဏ်၏ ငွေသားလက်ကျန် လက်ခံ သိမ်းဆည်းထားရှိမှုကို စာရင်းသွင်း မှတ်တမ်းတင် ထားရှိပြီး နိုင်ငံတော်ပိုင်ဘဏ္ဍာငွေများနှင့် ပြည်သူလူထု၏ အပ်နှံငွေများ နစ်နာဆုံးရှုံးမှု မရှိစေရန် စနစ်တကျ စီမံခန့်ခွဲနေသည်ဟုလည်း အသိပေးထားသည်။

 

ဓာတ်ပုံ - ကြားကာလ ဗဟိုဘဏ်

Burma Associated Press