ဇူလိုင် ၆။

 

ရန်ကုန်မြို့၊ စမ်းချောင်းမြို့နယ်၊ ကျွန်းတောအလယ်ရပ်ကွက် စစ်‌ကောင်စီခန့် အုပ်ချုပ်ရေးမူးတဦးကို ဒီနေ့ ဇူလိုင်လ ၆ ရက် နေ့လယ်ပိုင်း လက်ဖက်ရည်သောက်နေချိန်ပစ်ခတ်ခံရပြီး သေဆုံးခဲ့တယ်လို့ သိရပါတယ်။

​

အုပ်ချုပ်ရေးမှူး ခင်စိုး (ခေါ်) စိုးစိုးဟာ ရပ်ကွက်နေပြည်သူ​တွေကို ခြိမ်းခြောက်တာ၊ ဖမ်းဆီးတာ၊ ငွေညှစ်တာ​တွေ ပြုလုပ်ကာတော်လှန်ရေးကို ပုံစံအမျိုးမျိုးနဲ့ဖျက်ဆီး နှောက်ယှက်နေသူဖြစ်လို့ ပစ်ခတ်ရှင်းလင်းခဲ့တယ်လို့ Freeland Attack Force အဖွဲ့က ထုတ်ပြန်ထားပါတယ်။

 

ပစ်ခတ်ခံရလို့ သေဆုံးသွားတဲ့ အုပ်ချုပ်ရေးမှူးဟာ ပျူစောထီးသင်တန်းဆင်းတစ်ယောက်ဖြစ်ပြီးတော်လှန်ရေးရဲဘော်တွေရဲ့သတင်းတွေကို စစ်ကောင်စီထံ ထောက်လှမ်းသတင်းပေးနေသူဖြစ်တယ်လို့လည်း ​ဖော်ပြထားပါတယ်။

 

ပစ်ခတ်ခံရသူဟာ ကြံ့ခိုင်‌ရေးပါတီ အမာခံတစ်ဦးဖြစ်ပြီး စစ်မှုထမ်းဥပဒေအတွက် မြို့နယ်အတွင်း ဦးဆောင် လှုပ်ရှားပေးနေသူဖြစ်တယ်လို့​ သိရပါတယ်။

 

လုပ်ကြံသတ်ဖြတ်ခံရတဲ့ အုပ်ချုပ်​ရေးမှူးနဲ့ ပတ်သတ်တဲ့စွပ်စွဲချက်​တွေကို BAP အ​နေနဲ့ သီးခြားအတည်ပြုနိုင်တာ မရှိပါဘူး။

 

ဓါတ်ပုံ-လူမှုကွန်ရက်

 

Burma Associated Press