အောက်တိုဘာ ၁၀။

ပဲခူးမြို့တွင် မိုးသည်းထန်ပြီး ရေကြီးမှုကြောင့် ကယ်ဆယ်ရေးတွေ လုပ်နေပေမယ့် ပိတ်မိနေသူတွေ ရှိနေဆဲဖြစ်တယ်လို့ ကယ်ဆယ်ရေးလုပ်နေသူတွေက BAP ကို ပြောပါတယ်။

 

“ မနေ့က တော်တော်များများ ထုတ်နိုင်ပြီ၊ အချင်းချင်း ကူညီနေကြတာပဲ ကူညီကယ်ဆယ်ရေးတွေ လုပ်နေတယ်၊ မိုးကတော့ မတိတ်သေးဘူး” ဆိုပြီး ကယ်ဆယ်ရေးလုပ်နေသူတွေက BAP ကို ပြောပါတယ်။

 

လက်ရှိအချိန်ထိ ဖုန်းလိုင်းတွေ ဆက်လက်ပြတ်တောက်နေဆဲဖြစ်ပြီး ooredooနဲ့ MPT ဖုန်းလိုင်းတွေ ပြတ်တောက်နေတယ်လို့လည်း ပြောပါတယ်။

 

အောက်တိုဘာ ၇ ရက် (စနေနေ့) ကစပြီး ပဲခူးမြို့ပေါ်မှာ ရေစတက်လာတာဖြစ်ပြီး ပဲခူးမြို့ရဲ့ ၈၀ ရာခိုင်နှုန်းမှာ ရေကြီးနစ်မြှုပ်နေတယ်လို့ ပဲခူးမြို့ခံတစ်ဦးက BAPကို ပြောပါတယ်။

 

ဒီနှစ်တစ်နှစ်ထဲမှာကို ပဲခူးမှာ ရေကြီးရေလျှံမှုဖြစ်တာ လေးကြိမ်မြောက် ရှိပြီလို့လည်း သိရပါတယ်။

 

Burma Associated Press