မတ် ၂၃

မြောက်ဥက္ကလာပမြို့နယ် ကျောင်းသားများသမဂ္ဂ (ဗကသများအဖွဲ့ချုပ်) ၏ မြေပြင်လှုပ်ရှားမှုရေးရာ တာဝန်ခံ ကိုကောင်းဆက်ပိုင်ကို စစ်ခုံရုံးက ထောင်ဒဏ်တစ်သက်တစ်ကျွန်း ချလိုက်သည်ဟု ဗမာနိုင်ငံလုံးဆိုင်ရာ ကျောင်းသားများအဖွဲ့ချုပ်-ဗကသထံမှ သိရသည်။

 

ကိုကောင်းဆက်ပိုင်ကို နိုင်ငံတော်ဆူပူလှုံ့ဆော်မှုဆိုင်ရာပုဒ်မ ၅၀၅(က)နှင့် အကြမ်းဖက် တိုက်ဖျက်ရေးဥပဒေ ၅၀(ည) တို့ဖြင့် မြောက်ဥက္ကလာပ စစ်ခုံရုံးက ထိုသို့ အမိန့်ချခဲ့ခြင်းဖြစ်ကြောင်းသိရသည်။

 

အသက် ၂၀ နှစ်အရွယ်ရှိ ဗကသကျောင်းသား ကိုကောင်းဆက်ပိုင်သည် ၂၀၂၂ ခုနှစ်၊ ဒီဇင်ဘာလ ၁ ရက်တွင် ဖမ်းဆီးခံခဲ့ရပြီး ယခုကဲ့သို့ မတရားအမိန့် ချမှတ်ခံရခြင်းဖြစ်သည်ဟု ဗကသက ဆိုသည်။

 

ယခုနှစ် ဖေဖော်ဝါရီလ ၉ ရက်တွင်လည်း အထက (၁) မြောက်ဥက္ကလာပ ကျောင်းသားများသမဂ္ဂ (ဗကသများ အဖွဲ့ချုပ်) ၏ ဒုတိယဥက္ကဌဖြစ်သူ ကိုဟိန်းထက် (ခ) ကိုပိုပိုကိုလည်း စစ်ခုံရုံးက ထောင်ဒဏ် တသက်တကျွန်း ချမှတ်ခဲ့ကြောင်းသိရသည်။

 

ဓာတ်ပုံ- သတင်းနှင့်ပြန်ကြားရေးဗျူရို (ဗကသများအဖွဲ့ချုပ်)

Burma Associated Press