နိုဝင်ဘာ ၂၆။

 

စစ်ဆင်ရေးအမှတ် ၁၀၂၇ စတင်ချိန်မှ ယနေ့အထိ ကိုးကန့်တပ်ဖွဲ့ MNDAA နှင့် မဟာမိတ်များက မြန်မာ-တရုတ် နယ်စပ် ဂိတ် ၄ ခုကို သိမ်းပိုက်ထားပြီး ဖြစ်သည်။

 

ချင်းရွှေဟော်၊ ကျင်စန်းကျော့၊ မုံးကိုးမုဒ်ဦးနှင့် ပန်ဆိုင်းနယ်စပ်တို့ဖြစ်သည်။

 

ယမန်နေ့ နံနက် ၁၀ နာရီခန့်တွင် MNDAA နှင့် မုံးကိုခရိုင်လုံခြုံရေး တပ်ဖွဲ့ ပူးတွဲပြီး မူဆယ် ကျင်စန်းကျော့ နယ်စပ်ဂိတ်ပေါက်ကို သိမ်းပိုက်ခဲ့ခြင်း ဖြစ်သည်။

 

၁၀၂၇ စစ်ဆင်ရေးစတင်ချိန်မှစ၍ စစ်ကောင်စီတပ်စခန်း အကြီးအသေး စုစုပေါင်း ၁၇၂ ခု သိမ်းပိုက်ရရှိခဲ့သည်ဟုလည်း ကိုးကန့်တပ်ဖွဲ့က ထုတ်ပြန်ထားသည်။

 

ဓာတ်ပုံ - The Kokang

 

Burma Associated Press