ဩဂုတ် ၃။

ယခုနှစ် ဇန်နဝါရီလမှ ဇူလိုင်လအထိ ခုနှစ်လအတွင်း ပညာရေးကဏ္ဍက ဆရာ၊ ဆရာမများအပါအဝင် ဝန်ထမ်း ၄၈ ဦးကို စစ်တပ်က ဖမ်းဆီးခဲ့သည်ဟု နိုင်ငံရေးအကျဉ်းသားများ ကူညီစောင့်ရှောက်ရေး အသင်း- AAPPထံက သိရသည်။

ဖမ်းဆီးခံရသူများတွင် အမျိုးသား ၁၄ ဦးနှင့် အမျိုးသမီး ၃၄ ဦး ပါဝင်ပြီး မန္တလေးတိုင်းက ၁၉ ဦးဖြင့် အများဆုံး ဖမ်းဆီးခံခဲ့ရသည်ဟု AAPPက ဆိုသည်။

AAPP၏ ထုတ်ပြန်ချက်များအရ အာဏာသိမ်းပြီးချိန်မှ ဩဂုတ်လ ၂ ရက်အထိ စစ်တပ်က  အပြစ်မဲ့ ပြည်သူ ၂၄,၁၃၇ ဦးကို ဖမ်းဆီးထားကာ ထိုအထဲမှ ၆,၉၅၂ ဦးကို ထောင်ဒဏ်ချမှတ်ထားသည်။

Burma Associated Press