ဖေဖေါ်ဝါရီ ၆။

 

ကရင်နီပြည်၊ ဒီးမော့ဆိုတစ်နေရာတွင် ယမန်နေ့က စစ်ကောင်စီက ဗုံးကျဲခဲ့ရာ သေဆုံးသူ ၅ ဦး အထိ ရှိလာသည်ဟု ကရင်နီပြည်သတင်းအချက်အလက်စင်တာထံမှသိရသည်။

 

အဆိုပါ ဗုံးကျဲခံရမှုတွင် ကျောင်းသား ၄ ဦး အပါအဝင် အသက်ဆုံးရှုံးသူ ၅ ဦးရှိလာကာ အသက် ၃ နှစ် အောက် ကလေးငယ်အပါ ၁၄ ဦးထက်မနည်း ထိခိုက်ခဲ့သည်ဟု ဆိုသည်။

 

ဗုံးကျဲမှုကြောင့် စာသင်ကျောင်းမှ ၆၊ ၇၊ ၈ တန်း ကျောင်းသား ၄ ဦး အသက်ဆုံးရှုံးခဲ့ပြီး အခြားတစ်နေရာကို ထပ်မံကျဲရာမှာ ဆန်စက်ပိုင်ရှင် သက်ကြီးပိုင်းတစ်ဦး ထပ်မံ သေဆုံးခဲ့ရသည်ဟု ကရင်နီလူ့အခွင့်အရေးအဖွဲ့ထံမှ သိရသည်။

 

မူကြိုအရွယ် ကလေး တစ်ဦးအပါအဝင် ကျောင်းသား ၁၄ ဦးထက်မနည်း၊ ကျောင်းဆရာမ ၂ ဦး၊ ကျေးရွာခံ ၅ ဦး ထိခိုက်ဒဏ်ရာရရှိပြီး ဒဏ်ရာပြင်းထန်သူတွေ ရှိနေသည်ဟုလည်းဆိုသည်။

 

ဗုံးကျဲမှုကြောင့် ကျောင်းအဆောက်အဦး ၆ လုံး ထိခိုက်ကာ ၂ လုံးမှာ လုံးဝပျက်စီးသွားခဲ့ရသည်ဟု ဆိုသည်။

 

စစ်ကောင်စီက ယမန်နေ့ ဖေဖော်ဝါရီလ ၅ ရက်တွင် ဒီးမော့ဆိုမြို့နယ် အနောက်ဘက်ခြမ်းက စာသင်ကျောင်း ၂ ကျောင်းနှင့် ဆေးပေးခန်း စသည့် နေရာ ၃ ခုကို လေယာဉ်ဖြင့် ဗုံးကြဲတိုက်ခိုက်ခဲ့ခြင်း ဖြစ်သည်။

 

ဓာတ်ပုံ - ကရင်နီလူ့အခွင့်အရေးအဖွဲ့

 

Burma Associated Press