Data

ပြည်တွင်းနေရပ်စွန့်ခွာသူ ၁ ဒသမ ၉ သန်း ရှိလာပြီ

လွန်ခဲ့သော တစ်နှစ် က

ဇူလိုင် ၂၀။

ကုလ၏ နောက်ဆုံးကိန်းဂဏန်းများအရ ၂၀၂၃ ခုနှစ် ဇူလိုင် ၁၀ ရက်အထိ မြန်မာနိုင်ငံတွင် ပြည်တွင်း နေရပ်စွန့်ခွာသူ ၁ ဒသမ ၉ သန်းနီးပါး ရှိလာပြီဖြစ်ကြောင်း UNOCHA- Myanmar က ထုတ်ပြန်သည်။

အစီရင်ခံစဉ်ကာလအတွင်း ပြည်နယ် သုံးခုမှ လူဦးရေ ၃,၀၀၀ နီးပါးက လေကြောင်းတိုက်ခိုက်မှုနှင့် ပြင်းထန်သည့် တိုက်ပွဲများကြောင့် နေရပ်စွန့်ခွါထွက်ပြေးနေရသည်ဟု UNOCHA- Myanmar က ဆိုသည်။

နေရပ်စွန့်ခွာသူ ၁ ဒသမ ၉ သန်းအနက် လူဦးရေ ၁ ဒသမ ၆ သန်းနီးပါးသည် အာဏာသိမ်းပြီးနောက်ပိုင်း နေရပ်စွန့်ခွာနေရသူများ ဖြစ်သည်ဟုလည်း သိရသည်။

ဒါ့အပြင် စစ်ကောင်စီက မိုခါမုန်တိုင်းတိုက်ခိုက်ပြီး ၂လအကြာအထိ ရခိုင်ပြည်နယ်အတွင်းရှိ ကယ်ဆယ်ရေး လုပ်ငန်းလုပ်ဆောင်ခွင့်ကို ဆိုင်းငံ့ထားဆဲ ဖြစ်သည်ဟု UNOCHA- Myanmar က အသိပေးသည်။