ဧပြီ ၁

ပြည်သူ့တော်လှန်ရေး ထောက်ပို့မိသားစုအစီအစဉ်- PRFမှ ရရှိလာသည့် ရိက္ခာငွေ၏ ၇၅ ရာခိုင်နှုန်းခန့်ကို မြေပြင်အဖွဲ့များထံ ထောက်ပံ့ပေးနိုင်ခဲ့သည်ဟု အမျိုးသားညီညွတ်ရေးအစိုးရ-NUG၊ ကာကွယ်ရေး ဝန်ကြီးဌာနက မတ်လ ၃၁ ရက်တွင် ထုတ်ပြန်ခဲ့သည်။

PRF ထောက်ပို့အစီအစဉ်စတင်ခဲ့သည့် ၂၀၂၁ ခုနှစ်၊ ဒီဇင်ဘာလမှစ၍ ယခုအချိန်အထိ ၁၅ လတာကာလ အတွင်း အမေရိကန်ဒေါ်လာ ၉ သန်းကျော် (၉.၄၂ သန်း) ရရှိခဲ့ပြီး ပြည်သူ့ကာကွယ်ရေးတပ်မတော်၊ တပ်ရင်း၊ တပ်ဖွဲ့များ၏ ရိက္ခာထောက်ပံ့ငွေအဖြစ် သုံးစွဲခဲ့ကာ ၇၅ ရာခိုင်နှုန်းခန့် ထောက်ပံ့ပေးနိုင်ခဲ့ခြင်း ဖြစ်သည်။

ဒါ့အပြင် Project DragonFly မှ ရငွေ ဒေါ်လာ ၂ သန်းကျော်ကို လေကြောင်းရန် ကာကွယ်ရေးနှင့် တန်ပြန် လေကြောင်း တိုက်ခိုက်ရေးအတွက် သုံးစွဲနေသည်ဟုလည်း NUGက အသိပေးထားသည်။

Burma Associated Press