မတ် ၂၄

စစ်ကောင်စီရွေးကောက်ပွဲကော်မရှင်ထံ မှတ်ပုံတင်ထားသည့် နိုင်ငံရေးပါတီ ၃၈ ပါတီ ရှိလာပြီဖြစ်သည်။

 

ယင်း ၃၈ ပါတီတွင် ပြည်ထောင်စုတစ်ဝန်းလုံး စည်းရုံးမည့်ပါတီ ၉ ပါတီ နှင့် တိုင်းဒေသကြီး သို့မဟုတ် ပြည်နယ် တစ်ခုအတွင်း၌သာ စည်းရုံးမည့် ပါတီ ၂၉ ပါတီ ရှိသည်ဟု စစ်ကောင်စီရွေးကောက်ပွဲ ကော်မရှင်က သတင်း ထုတ်ပြန်ထားသည်။

 

၂၀၂၀ ရွေးကောက်ပွဲတွင် အနိုင်ရသည့် အမျိုးသားဒီမိုကရေစီအဖွဲ့ချုပ်-NLD ပါတီနှင့် တတိယ မဲအများဆုံး ရခဲ့သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ-SNLD တို့က စစ်ကောင်စီ ရွေးကောက်ပွဲ ကော်မရှင် ထံ မှတ်ပုံတင်ရန် ငြင်းဆိုထားသည်။

 

စစ်ကောင်စီပြင်ဆင်လိုက်သည့် နိုင်ငံရေးပါတီများမှတ်ပုံတင်ခြင်းဆိုင်ရာ ဥပဒေအရ ယခုနှစ် ဇန်နဝါရီလ ၂၆ ရက်မှ မတ်လ ၂၈ ရက်အတွင်း ပါတီမှတ်ပုံတင်ဥပဒေသစ်အရ တည်ဆဲပါတီများပါ ပြန်လည် မှတ်ပုံတင်ရမည် ဖြစ်ကာ ပြန်မတင်သည့်ပါတီများက ပါတီအဖြစ်မှ အလိုအလျောက် ပျက်ပြယ်မည်ဟု ပြဌာန်းထားသည်။

 

ပုံစာ - စစ်ကောင်စီရွေးကောက်ပွဲ ကော်မရှင်ထံ မှတ်ပုံတင်ထားသည့် အမျိုးသားဒီမိုကရေစီ အင်အားစု ပါတီ- NDF ပါတီဝင်များအားတွေ့ရစဉ် (ဓာတ်ပုံ- NDF)

Burma Associated Press