ဖေဖော်ဝါရီ ၁၃

 

ဗကသများအဖွဲ့ချုပ်၏ ဒုတိယဥက္ကဌဟောင်းဖြစ်သူ ကိုလင်းထက်နိုင် (ခ) ကိုဂျိမ်းအား ယနေ့ ဖေဖော်ဝါရီလ ၁၃ ရက်တွင် ပုဒ်မ ၅၂(ခ) ဖြင့် ထောင်ဒဏ် ၅ နှစ် ထပ်မံချမှတ်လိုက်သည်ဟု ဗကသများအဖွဲ့ချုပ်ထံမှ သိရသည်။

 

ကိုလင်းထက်နိုင် (ခ) ကိုဂျိမ်းအား ၂၀၂၂ ခုနှစ် ဒီဇင်ဘာလ ၇ ရက်နေ့တွင်လည်း အင်းစိန်ထောင်တွင်း တရားရုံး၌ ပုဒ်မ ၅၀၅ (က) ဖြင့် ထောင်ဒဏ် ၃ နှစ် အမိန့်ချမှတ်ခံခဲ့ရပြီး ယခုဆိုလျှင် စုစုပေါင်း ထောင်ဒဏ် ၈ နှစ်အထိ ချမှတ်ခံထားရပြီဖြစ်သည်။

 

ကိုလင်းထက်နိုင် (ခ) ကိုဂျိမ်း သည်၂၀၂၂ ခုနှစ် ဇွန်လ ၁၈ ရက်တွင် ဗိုလ်တထောင်မြို့နယ်၌ ဖမ်းဆီးခံရခဲ့ရခြင်း ဖြစ်သည်။

 

ယင်းနှစ်အောက်တိုဘာလအတွင်းက အင်းစိန်ထောင်ဗူးဝ ပေါက်ကွဲမှုတွင် ကိုလင်းထက်နိုင်အား ထောင်ဝင်စာ လာရောက်ပို့ဆောင်သည့် မိခင်ဖြစ်သူ ဒေါ်မေမေကြည် (ခ) ဒေါ်ကြီးမြင့် ထိခိုက်သေဆုံးခဲ့သည်။

 

မိခင်ဖြစ်သူ၏ နာရေးအား သွားရောက်ခွင့်ပြုရန် ကိုလင်းထက်နိုင်က တင်ပြတောင်းဆိုခဲ့သော်လည်း ထောင်အာဏာပိုင်များက ပယ်ချခဲ့သည်။

 

Burma Associated Press