Data
ကရင်နီတွင် အာဏာသိမ်းပြီးချိန်မှစ၍ အရပ်သား ၃၁၃ ဦး သတ်ဖြတ်ခံရ၊ ၂၇၉ ဦး မတရားဖမ်းဆီးခံရ
လွန်ခဲ့သော တစ်နှစ် က
ဧပြီ ၁
စစ်တပ်အာဏာသိမ်းပြီးချိန်မှစ၍ ၂၆ လအကြာ (၂ နှစ်ကျော်အတွင်း) ကရင်နီ(ကယား)ပြည်နယ်တွင် အရပ်သားပြည်သူ ၃၁၃ ဦး အကြောင်းမဲ့ သတ်ဖြတ်ခံခဲ့ရပြီး ၂၇၉ ဦး မတရားဖမ်းဆီးခံခဲ့ရကာ ၁၃၄ ဦးမှာ စစ်ရှောင်ရင်း သေဆုံးခဲ့ရသည်ဟု တိုးတက်သောကရင်နီပြည်သူ့အင်အားစု- PKPFက ယနေ့ ထုတ်ပြန်သည်။
၂ နှစ်ကျော်အတွင်း ထိတွေ့တိုက်ပွဲပေါင်း ၆၅၀ ကြိမ်ဖြစ်ပွားခဲ့ပြီး စစ်တပ်က လေကြောင်းတိုက်ခိုက်မှု ၃၁၀ ကြိမ် ကျူးလွန်ခဲ့ကာ နေအိမ် ၁,၄၇၃ လုံး၊ ဘာသာရေးအဆောက်အဦ ၃၃ လုံး ဖျက်ဆီးခံခဲ့ရသည်ဟုလည်း ဆိုထားသည်။
ဒါ့အပြင် စစ်ကောင်စီတပ်သား ၁,၈၈၃ ဦး သေဆုံးခဲ့ပြီး KNDF/PDF/KA ဘက်က ကျဆုံးသူ ၂၅၂ ဦး ရှိခဲ့သည်ဟု ထုတ်ပြန်ချက်တွင် ဆိုသည်။
နိုင်ငံရေးအကျဉ်းသားများကူညီစောင့်ရှောက်ရေးအသင်း-AAPP၏ ယခုနှစ် မတ်လ ၃၁ ရက်ထိ နောက်ဆုံး ထုတ်ပြန်ထားချက်အရ အာဏာသိမ်းပြီး ရက်ပေါင်း ၇၈၉ ရက်အတွင်း နိုင်ငံအဝှမ်းရှိ ပြည်သူပေါင်း ၃,၁၉၄ ဦး သတ်ဖြတ်ခံရပြီး ၂၀,၉၄၂ ဦး ဖမ်းဆီးခံခဲ့ရသည်ဟု သိရသည်။
Top News
လွန်ခဲ့သော တစ်ရက် က
လွန်ခဲ့သော တစ်ရက် က
လွန်ခဲ့သော ၂ ရက် က