ဩဂုတ် ၂၈။

 

လွိုင်ကော်မှ တနိုင်းသို့ တပ်ပြောင်းရွှေ့လာသည့် စစ်ကောင်စီတပ် ဗိုလ်မှူးချုပ် တစ်ဦး၏ တပ်ပြောင်းပစ္စည်းများကို သြဂုတ် ၉ ရက်တွင် ထီးချိုင့်-ပကဖ က သိမ်းဆည်းရမိခဲ့သည်ဟု အမျိုးသားညီညွတ်ရေးအစိုးရ၊ ကာကွယ်ရေး ဝန်ကြီးဌာန-MODက ယနေ့ ထုတ်ပြန်သည်။

 

ဗိုလ်မှူးချုပ် မြတ်မင်းမိုး (ကြည်း-၂၇၉၇၂) ဆိုသူက လွိုင်ကော်မှ တနိုင်းသို့ ဒေသကွပ်ကဲမှူစစ်ဌာနချုပ်မှူး  (ဒကစမှူး)   အဖြစ် ရွှေ့ပြောင်းလာခြင်းဖြစ်သည်ဟု MOD က ဆိုသည်။

 

ထီးချိုင့်-ပကဖ က သိမ်းဆည်းရမိသည့် ပစ္စည်းအမျိုးအစား ၁၉ မျိုးတွင် အိမ်ထောင်သုံးပစ္စည်းများလည်း ပါဝင်နေသည်ဟု ဖော်ပြထားသည်။

 

စစ်ယူနီဖောင်း ၇၀ စုံ၊ 5.56 ကျည် ၄၆၅ တောင့် ၊ လက်ပစ်ဗုံး ၅ လုံး ၊ ၁၂ ဘီးကား ၁ စီး ၊ Skynet ၂ လုံး ၊ ဓာတ်မြေသြဇာ ၁၅၀ အိတ် ၊ Sony အမျိုးအစား Camera ၁ လုံး ၊ Fax စာပို့စက် ၁ လုံး၊ Jammer အကြီး ၁ လုံး ၊ Jammer အသေး ၁ လုံး၊ PC Computer ၂ လုံး ၊ TYT ဆက်သွယ်ရေးစက် ၄ လုံး ၊ Inverter ၄ လုံး ၊ Equipment ၁   စုံ၊ စစ်ဖိနပ် ၃ ရံ၊ ဆုတံဆိပ် ၆ ခု၊ TV ၂ လုံး၊ ကော်ရည်လောင်းစက် ၁ ခုနှင့် ကတ်ထရစ် ၂ ခု တို့ကို သိမ်းဆည်းရမိခဲ့သည်ဟု ဆိုသည်။

 

Burma Associated Press