ဇူလိုင် ၁၄။

 

မန္တလေးတိုင်းဒေသကြီး၊ အမရပူမြို့နယ်၊ ငယ်တိုးကျေးရွာအုပ်စု၊ ယမ်းပျံကျေးရွာထိပ်၊ ရေဆိုးထုတ်ပြွန်တည်ဆောက်ရေးလုပ်ငန်းဆောင်ရွက်နေချိန် ရေ​တွေဝင်ရောက်လာတဲ့အတွက် လုပ်ငန်းဆောင်ရွက်နေတဲ့ အလုပ် သမား ၇ ဦး ရေနစ်ပျောက်ဆုံးမှုဖြစ်ပွားခဲ့တယ်လို့ သိရပါတယ်။

 

ဧရာဝတီမြစ်အတွင်း(အမရပူရမြို့ပြဖွံ့ဖြိုးတိုးတက်ရေးစီမံကိန်းဧရိယာ)မှာ ဒီနေ့ ဇူလိူင်လ ၁၄ ရက် မနက် ၈ နာရီအချိန်က ဖြစ်ခဲ့တာပါ။

 

"ရေဆိုးထုတ်မြောင်းဆောက်လုပ်ရေးဆိုဒ်ထဲကို မြစ်ရေဝင်တာ ရေတက်ချိန်ဆိုတော့ သဲဖို့ထားတဲ့နေရာ ရေဆိုးထုတ်မြောင်းထဲကို ဝင်လာလို့ မြောင်းထဲမှာလုပ်ငန်းလုပ်နေတဲ့ အလုပ်သမားတွေ ​​ရေနစ်ပျောက်ဆုံးသွားရတာပါ" လို့ ကယ်ဆယ်ရေးအဖွဲ့ဝင်တဦးက ပြောပါတယ်။

 

သဲနဲ့ကာရံထားတဲ့တုတ်က​နေ ရေ​တွေဝင်ရောက်လာပြီး လုပ်ငန်းဆောင်ရွက်နေတဲ့ အမျိုးသား(၁၀)ဦး ရှိတဲ့ ထဲက (၇)ဦး ရေနစ်ပျောက်ဆုံးမှုဖြစ်ပွားခဲ့တာပါ။

 

လက်ရှိမှာ​တော့ ရေပြင်ရှာဖွေကယ်ဆယ်ရေးပစ္စည်း​တွေအသုံးပြုပြီး ရှာဖွေနေတယ်လို့ မီးသတ်ဦးစီးဌာနက သတင်းထုတ်ပြန်ထားပါတယ်။

 

ဓါတ်ပုံ- လူမှုကွန်ရက်

 

Burma Associated Press