အောက်တိုဘာ ၂။

 

မြန်မာနိုင်ငံတွင် ယခုနှစ်အောက်တိုဘာလ ၁ ရက်အထိ ခန့်မှန်းလူဦးရေ စာရင်း မှာ ၅၆ ဒသမ ၂ သန်းဟု စစ်ကောင်စီ၏ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာနက ထုတ်ပြန်လာသည်။

 

၂၀၁၄ ခုနှစ်တွင် ကောက်ယူခဲ့သည့် လူဦးရေစာရင်းကို အခြေခံကာ တွက်ချက်ထားခြင်း ဖြစ်သည်ဟုဆိုသည်။

 

အဆိုပါ စာရင်းအရ ရန်ကုန်တိုင်းသည် လူဦးရေ ၉ သန်းဖြင့် အများဆုံး ရှိနေကာ မန္တလေးတိုင်းက ၆ ဒသမ ၈ သန်း ဖြင့် ဒုတိယ ၊ ဧရာဝတီတိုင်းက ၆ ဒသမ ၂ သန်းဖြင့် လူဦးရေ တတိယ အများဆုံးဖြစ်သည်။

 

၂၀၂၂ ခုနှစ် နိုဝင်ဘာလ ၁၅ ရက်တွင် ကမ္ဘာ့လူဦးရေ ရှစ်ဘီလီယံ တစ်နည်းအားဖြင့် သန်းရှစ်ထောင်ပြည့်ပြီ ဟု ကုလသမဂ္ဂ လူဦးရေရံပုံတွေအဖွဲ့ (UNFPA) က ကြေညာထားသည်။

 

Burma Associated Press