စစ်ကိုင်း၊ ဇန်နဝါရီ ၃

 

စစ်ကိုင်းတိုင်း ၊ကန့်ဘလူမြို့နယ်၊ ချပ်သင်းတိုက်နယ် ဘောလုံးကွင်းအရှေ့ဘက်ရှိ လက်ဖက်ရည်ဆိုင် တွင်ထိုင်ရန် အပြင်ထွက်လာသည့် စစ်ဗိုလ်နှင့် ပျူစောထီးတို့ကို ယနေ့ နံနက်ပိုင်းတွင် ဒေါင်းရာဇာအဖွဲ့မှ မိုင်းဆွဲတိုက်ခိုက်ခဲ့ကြောင်း ကျွန်းလှတက်ကြွလှုပ်ရှားသူများထံမှ သိရသည်။

 

လက်ဖက်ရည်သောက်ရန် ထွက်လာသော စစ်ကောင်စီဗိုလ်အပါအဝင် တပ်သားနှင့် ပျုစောထီး စုစုပေါင်း ၈ ဦး ကို ဒေါင်းရာဇာအဖွဲ့က မိုင်းဆွဲတိုက်ခိုက်လိုက်ခြင်းဖြစ် သည်။

 

အဆိုပါ မိုင်းခွဲတိုက်ခိုက်မှုကြောင့် ရှစ်ဦးအနက် လေး​ဦးဒဏ်ရာရရှိကြောင်းသိရသည်။

 

ထိုလေးဦးတွင် စစ်ကောင်စီတပ်မှ ဗိုလ်တစ်ဦးအပါအဝင် နှစ်ဦးမှာ ထိခိုက်ဒဏ်ရာပြင်းထန်၍ သေဆုံးနိုင်ချေ ရှိကာ နောက်ထပ် နှစ်ဦးမှာလည်း ပြင်းထန်ဒဏ်ရာ မဟုတ်သည့် ထိခိုက်ဒဏ်ရာများ ရရှိကြောင်း ဒေါင်းရာဇာ အဖွဲ့တာဝန်ခံက ပြောကြားသည်။

 

Burma Associated Press