ဧပြီ ၂၄။

 

စစ်အာဏာသိမ်းပြီး တော်လှန်ကာလ ၂ နှစ်တာအတွင်း ချင်းကာကွယ်ရေးတပ်ဖွဲ့ဝင် ၅၅ ဦး ကျဆုံး ပြီး စစ်ကောင်စီတပ်သား ၄၅၄ ဦး သေဆုံးခဲ့သည်ဟု ချင်းကာကွယ်ရေးတပ်ဖွဲ့-CDF Mindatက ယနေ့ ထုတ်ပြန်သည်။

 

ထို့ပြင် ၂ နှစ်အတွင်း ချင်းကာကွယ်ရေးတပ်ဖွဲ့-CDF Mindatများနှင့် စစ်ကောင်စီတို့အကြား ထိတွေ့ တိုက်ပွဲပေါင်း ၂၁၈ ကြိမ် ဖြစ်ပွားခဲ့သည်ဟု ထုတ်ပြန်ချက်တွင် ဖော်ပြထားသည်။

 

ပြီးခဲ့သည့် ၂၀၂၁ ခုနှစ်၊ ဖေဖော်ဝါရီ ၂၄ ရက်က မင်းတပ်မြို့၊ ဗိုလ်ချုပ်ကြေးရုပ်ရှေ့၌ လူမဲ့သပိတ် ‘NUG’ စာတမ်းကို ရေးသားနေသည့် ပြည်သူ ၇ ဦးကို စစ်တပ်က အကြမ်းဖက်ဖမ်းဆီး ခေါ်ဆောင် သွားခဲ့သည်။

 

ထိုအချိန်မှစ၍ မင်းတပ်တစ်မြို့နယ်လုံးရှိ ပြည်သူများက စစ်တပ်ကို ရရာလက်နက်ဖြင့် ယနေ့ထိတိုင် ပြန်လည် ခုခံတော်လှန်နေသည်ဟုလည်း CDF Mindatက အသိပေးထားသည်။

 

 

ဓာတ်ပုံ - CDF Mindat