Data
အာဏာသိမ်းပြီးနောက် မြန်မာတွင် ကယ်ဆယ်ရေးလုပ်ရင်း ကျဆုံးသည့် Free Burma Ranger တပ်ဖွဲ့ဝင် ၁၇ ဦးရှိပြီ
လွန်ခဲ့သော ၁၂ ရက် က
BAP၊ မတ် ၂၂။
BAP က စုစည်းထားသည့် အချက်အလက်များအရ မြန်မာနိုင်ငံတွင် အာဏာသိမ်းပြီးနောက် ကယ်ဆယ် ရေးလုပ်ငန်းများဆောင်ရွက်စဉ် စစ်တပ်၏ တိုက်ခိုက်မှုများကြောင့် ကျဆုံးခဲ့ရသည့် Free Burma Ranger-FBRt အဖွဲ့ဝင် စုစုပေါင်း ၁၇ ဦး ရှိလာပြီ ဖြစ်သည်။
၂၀၂၁ ခုနှစ်တွင် ၂ ဦးနှင့် ၂၀၂၂ ခုနှစ်တွင် ၆ ဦး၊ ၂၀၂၃ တွင် ၅ ဦး၊ ၂၀၂၄ ခုနှစ်တွင် ၂ ဦး၊ ၂၀၂၅ ခုနှစ်တွင် ၂ ဦး တို့ဖြစ်သည်။
ကျဆုံးသူများတွင် အမျိုးသမီးတပ်ဖွဲ့ဝင်နှစ်ဦးလည်းပါဝင်သည်။
FBR တပ်ဖွဲ့ဝင်တို့သည် ကရင်နီတွင် ၇ ဦး၊ ကရင်တွင် ၇ ဦးနှင့် ရှမ်းတွင် ၃ ဦး ကျဆုံးခဲ့ခြင်းဖြစ်သည်။
Free Burma Rangers အဖွဲ့သည် စစ်ပွဲဖြစ်ပွားရာဒေသများရှိ ဒေသခံပြည်သူ များအား ကယ်ဆယ်ခြင်း၊ ဆေးကုသမှုပေးခြင်း၊ စိတ်ခွန်အားပေးခြင်းနှင့် အခြားသော လူသားခြင်းစာနာမှုဆိုင်ရာ အကူအညီများ ပေးနေသည့် အဖွဲ့ ဖြစ်သည်။
တိုက်ပွဲအတွင်း အရပ်သားများကို ကယ်ဆယ်/ဆေးကုသစဥ် စစ်ကောင်စီ တပ်၏ လက်နက်ကြီး ထိမှန်ခြင်း၊ လေကြောင်းတိုက်ခိုက်ခံရခြင်းနှင့် ဖမ်းဆီး သတ်ဖြတ်ခံရခြင်းစသည့် အကြောင်းအရင်းများ ကြောင့် FBR တပ်ဖွဲ့ဝင်များ ကျဆုံးခဲ့ရသည်။
ပုံစာ - ကရင်ပြည်နယ်နှင့်ပဲခူးတိုင်းအစပ်တွင် စစ်ကောင်စီတပ်၏ လေကြောင်းတိုက်ခိုက်မှုကြောင့် ယခုနှစ် မတ်လ ၁၀ ရက်က ကျဆုံးခဲ့သည့် အသက် ၂၅ နှစ်အရွယ်ဆေးမှူး နော်ဆေးမူးဖော (ဓာတ်ပုံ-FBR)