မတ် ၁၉။

ကချင်လွတ်လပ်ရေးအဖွဲ့ KIO ထိန်းချုပ်နယ်မြေအတွင်းရှိ စစ်ဘေးရှောင် စခန်းဖြစ်သော ဂျေယန် စစ်ရှောင် စခန်းရှိ ရပ်ကွက်(၆)B တွင် မတ်လ ၁၉ ရက် ညနေပိုင်း သုံးနာရီခန့်အချိန်တွင် လျှပ်စစ်ဝါယာရှော့ဖြင့် နေအိမ် ၃၅ လုံး မီးလောင်သွားကြောင်းသိရသည်။

ဂျေယန်စစ်ရှောင်စခန်းသည် ၂၀၁၁ ခုနှစ်နောက်ပိုင်း ကချင်ပြည်နယ်အတွင်း ဖြစ်ပွားခဲ့သည့် တိုက်ပွဲများကြောင့် ထွက်ပြေးတိမ်းရှောင်နေသည့် နေရာလည်းဖြစ်သည်။ အဆိုပါစခန်းတွင် ရပ်ကွက် ၇ ခု ရှိကြောင်းသိရသည်။

လက်ရှိတွင် မီးဘေးသင့်ပြည်သူအိမ်ထောင်စု ၃၅ မှ ပြည်သူ ၁၇၇ ယောက်ကို ဂျေယန်စစ်ရှောင်စာသင် ကျောင်း တွင် ယာယီနေရာချထားပေးကြောင်း သိရသည်။

ဓာတ်ပုံ- Simsa Kasa Multimedia

Burma Associated Press