ဘီအေပီ၊ ဇန်နဝါရီ ၁၃

 

နွေဦးတက္ကသိုလ်၏ အဆင့်မြင့်ပညာသင်ကြားရေးကျောင်း Institute of Human Rights and Democratic Governance - IHRDG မှ ၂၀၂၃ ခုနှစ်အတွက်ဘွဲ့လွန်ပညာရေးနှင့်အနာဂတ်အသက် မွေးဝမ်းကြောင်းအတွက် အသုံးဝင်မည့်ဒီပလိုမာ အတန်းများကိုထပ်မံဖွင့်လှစ်သွားမည်ဖြစ်ကြောင်း သိရသည်။

 

အဆိုပါဒီပလိုမာတန်းများမှာ လူမှုအကျိုးပြုလုပ်ငန်းများစိတ်ပါဝင်စားသူများအတွက် Community Development Diploma Programme၊ အစိုးရဆိုင်ရာ လုပ်ငန်းခွင်များအတွင်းအုပ်ချုပ်ရေးနှင့် ပြည်သူ့ရေးရာ စီမံခန့်ခွဲရေးများကို လုပ်ဆောင်လို သူများအတွက် Governance and Public Administration Diploma Programme၊ လူ့အခွင့်အရေးဆိုင်ရာ လှုပ်ရှားမှုများကို တက်ကြွလုပ် ဆောင်သူများအတွက် Human Rights Diploma Programme နှင့် ဖက်ဒရယ်ရေးရာနှင့် ငြိမ်းချမ်းရေးတည်ဆောက်မှုဆိုင်ရာများ၊ ကျား၊ မရေးရာ၊ အာဏာခွဲဝေရေးဆိုင်ရာများကိုစိတ်ပါဝင်စားသူများ အတွက် Federalism and Peace Studies Diploma Programme များဖြစ်သည်။

 

" သင်ကြားရေးကာလပြီးဆုံးသွားသည့်ကာလတွင်လည်း အလုပ်သင်အခွင့်အရေးများထပ်မံ ရရှိနိုင်မှာ ပဲဖြစ်ပါတယ်" ဟု ယင်းအဖွဲ့အစည်းကပြောသည်။

 

အထက်ဒီပလိုမာသင်တန်းများတွင် ကျောင်းသား၊သူများအတွက် သီအိုရီကိုသာမကလက်တွေ့ ဆိုင်ရာ ရှုထောင့်များမှ လည်းယှဉ်တွဲသင်ကြားပေးသွားမည်ဖြစ်ပြီး၊ ဘွဲ့လွန်ပညာရေးနှင့် အနာဂတ် အသက်မွေး ဝမ်းကြောင်းအတွက် အသုံးဝင်မည့် ဒီပလိုမာတန်းများဖြစ်ကြောင်းသိရသည်။

 

အဆိုပါ သင်တန်းများမှာအချိန်ပြည့်တက်ရောက်သင်ကြားရမည်ဖြစ်ပြီး၊ အချိန်ကာလ ၉ လကြာ မြင့်မည်ဖြစ် ကာ၊ စိတ်ပါဝင်စားသူများအနေဖြင့် ယခုလ ၃၁ ရက်နောက်ဆုံးထားကာလျှောက်ထား နိုင်ကြောင်းသိရသည်။

 

လျှောက်ထားရမည့်လင့်များမှာ Diploma in Community Development: https://bit.ly/3fA9fHW၊ Governance and Public Administration Diploma Programme: https://bit.ly/3UmqefW၊ Human Rights Diploma Programme : https://forms.gle/GxvLsLmdTSaUuVW76နှင့် Federalism and Peace Studies diploma program : https://forms.gle/dbAQxs95VrPfCntN8 တို့ဖြစ်သည်။

 

Burma Associated Press