ဇန်နဝါရီ ၁၂။

 

ဒီနေ့ ကျရောက်တဲ့ (၆၁) နှစ်ပြည့် တအာင်းအမျိုးသားတော်လှန်ရေးနေ့ အထိမ်းအမှတ်အဖြစ် အကျဉ်းသူ/အကျဉ်းသား ၂၃၂ ဦးကို လွတ်ငြိမ်းခွင့် ပေးခဲ့တယ်လို့ ပလောင်ပြည်နယ် လွတ်မြောက်ရေးတပ်ဦး - PSLF/TNLAက ထုတ်ပြန်ပါတယ်။

 

ဒါ့အပြင် ထောင်ဒဏ် ၇ နှစ်ကနေ ၂၀ နှစ်အထိ ပြစ်ဒဏ်ကျခံနေရသူ ၆၀ ဦးကိုလည်း ပြစ်ဒဏ် လျှော့ပေါ့ခွင့် ပြုလိုက်တယ်လို့ ဆိုပါတယ်။

 

လွတ်ငြိမ်းနဲ့ ပြစ်ဒဏ် လျှော့ပေါ့ခွင့် ပေးလိုက်သူတွေထဲမှာ မုဒိမ်းမှု၊ သက်ငယ်မုဒိမ်းမှု၊ မူးယစ် ဆေးဝါးသုံးစွဲမှု၊ မူးယစ်ဆေးဝါးရောင်းဝယ်မှုနဲ့ ပြစ်မှုကျူးလွန်သူတွေ ပါဝင်တယ်လို့ TNLA က အသိပေးပါတယ်။

 

အရင်က လွတ်ငြိမ်းချမ်းသာခွင့်ပြုခဲ့သူတွေထဲမှာ တိုက်ပွဲတွင်းဖမ်းဆီးရမိတဲ့ စစ်သုံ့ပန်း ပါဝင်ခဲ့ ပေမယ့် အခုတစ်ကြိမ်မှာတော့ စစ်သုံ့ပန်း‌ မပါဝင်ဘူးလို့လည်း ဆိုပါတယ်။

 

ဓါတ်ပုံ - TNLA

 

Burma Associated Press