ဇန်နဝါရီ ၁၆

 

ကရင်အမျိုးသားအစည်းအရုံး၊ ဒူးပလာယာခရိုင်၊ ကြာအင်းဆိပ်ကြီးဒေသတွင် တိုက်ပွဲများပြင်းထန်စွာ ဖြစ်ပွား နေသည့်အတွက် ယနေ့ ဇန်နဝါရီလ ၁၆ ရက်မှ ၂၃ ရက်အထိ (ရှစ်ရက်ကြာ) ကာလအတွင်း ကြာအင်းဆိပ်ကြီး-ဘုရားသုံးဆူ လမ်းကို အသုံးမပြုရန် ကေအဲန်ယူက အသိပေးသည်။

 

ခရီးသွားပြည်သူများ သွားလာရာတွင် အလွန်အန္တရယ်ရှိသည့် အခြေအနေ ဖြစ်သည်ဟု ကေအဲန်ယူ၊ ဒူးပလာယာ ခရိုင် အတွင်းရေးမှုး စောလစ္စတန် လက်မှတ်ထိုးထားသည့် စာတွင် အသိပေးထားသည်။

 

ပြီးခဲ့သည့် ဇန်နဝါရီလ ၄ ရက် (လွတ်လပ်ရေးနေ့)တွင် ကြာအင်းဆိပ်ကြီး အခြေစိုက် စစ်ကောင်စီတပ်များ ဖြစ်သည့် ခလရ ၃၂ ၊ ခလရ ၂၈၃ နှင့် ခလရ ၂၈၄ တို့ကို တော်လှန်ရေးတပ်ပေါင်းစုများက ဝိုင်းဝန်း တိုက်ခိုက်ခဲ့သည်။ အဆိုပါတိုက်ပွဲများအတွင်း စစ်ကောင်စီဘက်က ယာယီတပ်ရင်းမှူးတစ်ဦး သေဆုံးပြီး နှစ်ဖက် အကျအဆုံး များခဲ့သည်။

 

ယခုနှစ်အစပိုင်းတွင်လည်း ကေအဲန်ယူ၊ တပ်မဟာ ၅ နယ်မြေအတွင်းရှိ စစ်ကောင်စီ ဝန်ထမ်းများ ဇန်နဝါရီလ ၁၀ ရက် နောက်ဆုံးထားနုတ်ထွက်ရန် အသိပေးမှုရှိခဲ့သည်။

 

ပုံစာ - ကေအဲန်ယူ၊ ဒူးပလာယာခရိုင်က ထုတ်ပြန်သည့် အသိပေးစာ

 

Burma Associated Press