နိုဝင်ဘာ ၁၆။

 

ရှမ်းပြည်နယ်မြောက်ပိုင်း၊ လားရှိုးတက္ကသိုလ်မှာပြုလုပ်နေတဲ့ အဝေးသင် တတိယအသုတ် စာမေးပွဲအားလုံး ဒီနေ့ နိုဝင်ဘာလ ၁၆ ရက် နေ့လယ်ပိုင်းက စပြီး ရွှေ့ဆိုင်းလိုက်တယ်လို့ လားရှိုးတက္ကသိုလ် ပါမောက္ခက အသိပေးစာကပ် ထုတ်ပြန်ပါတယ်။

 

"အစောကြီးထဲကရပ်သင့်တာ အလုပ်ကိုမဟုတ်ဘူး။ ပညာရေးဝန်ကြီးဌာနက မြေပြင် အခြေအနေသိနေရက်နဲ့ ခုတော့ဖြေဆိုဖို့တန်းလန်းကြီးနဲ့ရပ်သွားပြီ၊ အစကတည်းကမကျင်းပသင့်ဘူး၊ ၃ ဘာသာ ဖြေဆိုဖို့ ကျန်သေး တယ်" လို့ ဒေသခံတဦးက BAP ကို ပြောပါတယ်။

 

လားရှိုးတက္ကသိုလ်မှာ အဝေးသင် တတိယအသုတ်စာမေးပွဲအဖြစ် မြန်မာစာနဲ့ သမိုင်း အထူးပြုကျောင်းသားတွေ နိုဝင်ဘာလ ၁၃ ရက်က စတင်ဖြေဆို ခဲ့ကြတာ ဖြစ်ပါတယ်။

 

ပြီးခဲ့တဲ့ နိုဝင်ဘာလ ၁၄ ရက်ကလည်း ကရင်နီပြည်၊ လွိုင်ကော် တက္ကသိုလ်မှာ ဖြေဆိုမယ့်အဝေးသင်တတိယ အသုတ် စာမေးပွဲတွေကို ရက်အကန့်အသတ် မရှိ ရွှေ့ဆိုင်းခဲ့ပါသေးတယ်။

 

ယမန်နေ့ နိုဝင်ဘာ ၁၅ ရက်က လွိုင်ကော်တက္ကသိုလ်ကဝန်ထမ်း ၁၃၄ ဦးနဲ့ မိသားစုဝင် ၆၄ ဦးကို ဘေးကင်းလုံခြုံစွာ စောင့်ရှောက်ထားတယ်လို့ ကရင်နီ ပြည် ကြားကာလ အုပ်ချုပ်ရေးကောင်စီက အသိပေးထားပါတယ်။

 

လက်ရှိလားရှိုးမြို့တွင်းမှာ မနက် ၆ နာရီကနေ ညနေ ၆ နာရီအထိ အကြောင်းတစုံတရာမရှိဘဲ ည မထွက်ရအမိန့် ထုတ်ပြန်ထားပါတယ်။

 

ဓာတ်ပုံ - လူမှုကွန်ရက်

 

Burma Associated Press