ကနေဒါနိုင်ငံသား ဆစ်ခ်လူမျိုးတစ်ဦး အသတ်ခံရမှုတွင် အိန္ဒိယပါဝင်နေကြောင်း ယုံကြည်ရသည့် သက်သေအထောက်အထားရှိသည်ဟု ကနေဒါဝန်ကြီးချုပ် Trudeau က ပြောကြားခဲ့ပြီး ယူကေအပါအဝင် ကမ္ဘာတစ်ဝှမ်းမှ ဆစ်ခ်လူမျိုးတက်ကြွလှုပ်ရှားသူများ အသတ်ခံရမှုများနှင့် ပတ်သတ်သည့် ကောလဟာလများ လည်း ပျံ့နှံ့လာခဲ့သည်။

 

ဂျွန်လအတွင်း ဗန်ကူးဗား ဆင်ခြေဖုံးတွင် ဆစ်ခ် ကနေဒါ နိုင်ငံသား တစ်ဦးကို သတ်ဖြတ်မှု၌ အိန္ဒိယ ပါဝင်နိုင်ကြောင်း ကနေဒါ ဝန်ကြီးချုပ် Justin Trudeau က စွပ်စွဲလိုက်ပြီးနောက် နှစ်နိုင်ငံလုံးမှ သံတမန် အပြန်အလှန် နှင်ထုတ်ခြင်း၊ ကနေဒါနိုင်ငံသားများကို အိန္ဒိယမှ ဗီဇာ ထုတ်ပေးရန် ဆိုင်းငံ့ခြင်းတို့ လုပ်ဆောင်လာ ကြသည်။

 

သတ်ဖြတ်ခံရသူ Hardeep Singh Nijjar မှာ ကနေဒါနိုင်ငံတွင် နှစ်ပေါင်း ၂၀ ကျော်ကြာ နေထိုင်ခဲ့သူဖြစ်ပြီး ရေပိုက်လုပ်ငန်း လုပ်ကိုင်ကာ ဆစ်ခ် လွတ်လပ်ရေး ထောက်ခံအားပေးသူဖြစ်သည်။ ၎င်းကို ဂျွန်လ ၁၈ ရက်တွင် ဗန်ကူးဗားအနီး Surrey စီရင်စု ရှိ ဘုရားကျောင်းတစ်ခုရှေ့တွင် သေနတ်ဖြင့် ပစ်သတ်ခံခဲ့ရသည်။ ၂၀၂၀ ခုနှစ်တွင် အိန္ဒိယအစိုးရက ၎င်းကို ပိတ်ပင်ထားသည့် စစ်သွေးကြွအဖွဲ့တွင် ပါဝင်သည်ဟုဆိုကာ အကြမ်းဖက်သမားအဖြစ် သတ်မှတ်ခဲ့သော်လည်း Nijjar နှင့် ၎င်းကို ထောက်ခံသူများက ငြင်းဆိုထားခဲ့ကြသည်။ ကနေဒါနိုင်ငံသည် အိန္ဒိယပြင်ပ ဆစ်ခ်လူဦးရေအများဆုံး နိုင်ငံဖြစ်သည်။

 

ဆစ်ခ် မွေးရပ်မြေ Khalistan ခွဲထွက်ဖန်တီးရေး ထောက်ခံအားပေးသည့်အတွက် အသက် ၃၅ နှစ်အရွယ်ရှိ ယူကေမှ Avtar Singh Khanda သည် လူသိများသူဖြစ်သည်။

 

၎င်းသည် ဘာမင်ဂမ်တွင် ဂျွန်လ၌ ရုတ်တရက် ဖျားနာသေဆုံးခဲ့ကာ ၎င်းနှင့် နီးစပ်သူအချို့က မရိုးသားသည့် ရာဇဝတ်လှုပ်ရှားမှုများ ပါဝင်နိုင်ကြောင်း အရိပ်အမြွက် ပြောဆိုခဲ့သည်။

 

အနောက်မြေလတ်ပိုင်း ရဲတပ်ဖွဲ့က အမှုကိစ္စကို စေ့စပ်သေချာစွာ သုံးသပ်ခဲ့ကြောင်း၊ သံသယဖြစ်ဖွယ် အခြေအနေများ မရှိကြောင်း၊ ပြန်လည်စုံစမ်းစစ်ဆေးရန် မလိုအပ်ကြောင်း ပြောကြားခဲ့သည်။

 

သို့သော် အိန္ဒိယအစိုးရက ယူကေအာဏာပိုင်များကို "အစွန်းရောက်ဝါဒ” ဖိနှိပ်မှု ပိုမိုလုပ်ဆောင်ရန် ပွင့်လင်းစွာ တောင်းဆိုခဲ့ပြီးနောက် ဗြိတိသျှနိုင်ငံသား ဆစ်ခ်လူမျိုးများက ဖိအားများ အလွန်အမင်း ခံစားနေရကြောင်း ပြောဆိုမှု အများအပြား ရှိခဲ့သည်။

 

သို့သော် အိန္ဒိယအစိုးရက ယူကေအာဏာပိုင်များကို "အစွန်းရောက်ဝါဒ” ဖိနှိပ်မှု ပိုမိုလုပ်ဆောင်ရန် ပွင့်လင်းစွာ တောင်းဆိုခဲ့ပြီးနောက် ဗြိတိသျှနိုင်ငံသား ဆစ်ခ်လူမျိုးများက ဖိအားများ အလွန်အမင်း ခံစားနေရကြောင်း ပြောဆိုမှု အများအပြား ရှိခဲ့သည်။

 

Gurpreet Johal သည် ဒမ်ဘာတန် မှ ဥပဒေသမား၊ အလုပ်သမားကောင်စီဝင်တစ်ဦးဖြစ်သည်။ သူ၏ မိသားစုကြုံတွေ့ခဲ့သည့် အဖြစ်အပျက်တို့ကြောင့် နိုင်ငံရေးအတွင်း ဝင်ရောက်လာရကြောင်း ၎င်းက ပြောသည်။

 

လွန်ခဲ့သည့် ၆ နှစ်က Gurpreet နှင့် ညီအကိုတော်စပ်သူ၊ Khalistan ထောက်ခံအားပေးသူအဖြစ် လူသိများသည့် ဆစ်ခ်အခွင့်အရေးလှုပ်ရှားသူ Jagtar သည် အိန္ဒိယသို့ မင်္ဂလာဆောင်ရန် သွားရောက်ခဲ့သည်။

 

Mr Johal ၏ မိသားစုက ပြောကြားသည်မှာ ပန်ဂျပ်ပြည်နယ်၊ Rami Mandi မြို့တွင် ၎င်းကို အမှတ်အသား မပါသည့် ကားအတွင်း အတင်းအကြပ် ထည့်သွင်းခေါ်ဆောင်သွားသည်ဟု ပြောကြသည်။ ၎င်းအချိန်က စ၍ ၎င်းကို အစွန်းရောက်လှုပ်ရှားမှုများဖြင့် စွပ်စွဲခံရကာ ထောင်တွင်းတွင် နေခဲ့ရသည်။

 

Jagtar Johal က ၎င်းကို နှိပ်စက်ညှင်းပန်းခံခဲ့ရကြောင်း၊ ဝန်ခံချက်ကို အတင်းအကျပ် လက်မှတ်ရေးထိုးစေခဲ့ကြောင်း ပြောပြသည်။ ၎င်းကို စွဲချက်တင်ရန် နှစ်ပေါင်းများစွာ ကြာမြင့်ခဲ့ပြီး ရုံးတင်စစ်ဆေးမှု မည်သည့်အခါကမျှ မပြုလုပ်ခဲ့ပါ။

 

“Justin Trudeau က မျှမျှတတ လုပ်ဆောင်တာပဲ။ ကနေဒါ ဝန်ကြီးချုပ်က သူ့ရဲ့ နိုင်ငံသားတွေအတွက် ရပ်တည်ပေးတယ်။ ယူကေအစိုးရကတော့ ဒါမျိုးလုပ်တာ မရှိဘူး။” ဟု Gurpreet Johal က ပြောကြားသည်။

 

လူ့အခွင့်အရေးအဖွဲ့ Reprieve က Mr Johal အိန္ဒိယတွင် ဖမ်းဆီးခံရမှုမှာ ဗြိတိသျှ လုံခြုံရေးအေဂျင်စီများ၏ သတင်းပေးမှုကြောင့်ဖြစ်ကြောင်း လက်ခံနိုင်သည့် အထောက်အထားများ ရှိသည်ဟု ပြောကြားသည်။

 

ဗြိတိသျှ ဆစ်ခ်အဖွဲ့အစည်းများက ဒေါသထွက်ခဲ့ကြပြီး ကုလသမဂ္ဂအလုပ်အဖွဲ့တစ်ခုက ၎င်းကို ဖမ်းဆီးထိန်းသိမ်းထားခြင်းသည် အကြောင်းပြချက် မခိုင်လုံဘဲ လက်လွတ်စပယ်ပြုမူခြင်းဖြစ်ကြောင်းနှင့် ခွဲခြားဆက်ဆံမှုပေါ်အခြေခံကြောင်းပြောဆို၍ Jagtar Johal ကို လွှတ်ပေးရေး တောင်းဆိုခဲ့သော်လည်း ယူကေအစိုးရကမူ ၎င်းကဲ့သို့ ထပ်တူပြုမူရန် ပျက်ကွက်ခဲ့သည်။

 

“ယူကေအစိုးရကို ကြည့်ရတာ သူ့ရဲ့ နိုင်ငံသားတွေကို အရေးစိုက်ဖို့ထက် အိန္ဒိယနဲ့ ကုန်သွယ်ရေးသဘောတူညီမှုတွေ လုပ်ဖို့ပဲ အာရုံစိုက်ပုံ ရတယ်။” ဟု Mr Johal က ပြောသည်။

 

“ယူကေအစိုးရကို ကြည့်ရတာ သူ့ရဲ့ နိုင်ငံသားတွေကို အရေးစိုက်ဖို့ထက် အိန္ဒိယနဲ့ ကုန်သွယ်ရေး သဘောတူညီမှုတွေ လုပ်ဖို့ပဲ အာရုံစိုက်ပုံ ရတယ်။” ဟု Mr Johal က ပြောသည်။

 

နိုင်ငံခြားရေးရုံးက Jagtar Johal ကို လွှတ်ပေးရေး တောင်းဆိုခြင်းသည် ကူညီရာမရောက်ဘဲ အခြေအနေကို ပိုမိုဆိုးရွားသွားစေနိုင်သည်ဟု ဆိုသည်။ ဝန်ကြီးချုပ် Risi Sunak က "Mr Johal အမှု မြန်နိုင်သမျှ မြန်မြန် ဖြေရှင်းနိုင်ရေး လုပ်ဆောင်သွားမည်” ဟု ဆိုသည်။

 

အိန္ဒိယနှင့် ယူကေအကြား ခိုင်မာသည့် ပူးပေါင်းမှုများ ရှိသော်လည်း ဗြိတိန်မှ ဆစ်ခ် တက်ကြွလှုပ်ရှားသူ များအရေးကို မကြာခဏ မြှင့်တင်ဖော်ထုတ်သူများမှာ အိန္ဒိယအရာရှိများသာ ဖြစ်သည်။

 

ဆစ်ခ် အခွင့်အရေးလှုပ်ရှားသူများနှင့် Khalistan ထောက်ခံအားပေးသည့် ဆန္ဒပြသူများက လန်ဒန်ရှိ အိန္ဒိယအဆင့်မြင့် ကော်မရှင်ရုံးကို ဖျက်ဆီးမှုများ ပြုလုပ်ခဲ့ကြသောကြောင့် အိန္ဒိယဝန်ကြီးချုပ် မိုဒီ၏ အုပ်ချုပ်ရေးပိုင်းမှ စိုးရိမ်ကြောင်း ယခုနှစ် မတ်လတွင် ဖော်ထုတ်ပြောကြားခဲ့သည်။ အိန္ဒိယအစိုးရက ဗြိတိန်နိုင်ငံကို "အစွန်းရောက်ဝါဒ” ထိန်းချုပ်ရန် မကြာခဏ တောင်းဆိုမှုကို ထပ်လောင်း တောင်းဆိုခဲ့သည်။

 

ဆစ်ခ် မွေးရပ်မြေ ခွဲထွက်ရေးထောက်ခံအားပေးမှုများသည် ၁၉၈၀ ခုနှစ်များတွင် အမြင့်မားဆုံးအခြေအနေသို့ ရောက်ရှိခဲ့ပြီးနောက်ပိုင်းတွင် အဓိက ပါတီများအားလုံးမှ ၎င်းအယူအဆကို အခိုင်အမာ ဆန့်ကျင်ကြသည့်အတွက် မှေးမှိန်လာခဲ့သည်။ သို့သော် မကြာသေးမီ နှစ်များအတွင်း အထူးသဖြင့် အဝေးရောက် ဆစ်ခ်များအကြား ပြန်လည် ရှင်သန်လာခဲ့သည်။

 

အများအားဖြင့်မူ ယူကေမှ Khalistan ထောက်ခံအားပေးမှုသည် ငြိမ်းချမ်းသည့် တက်ကြွလှုပ်ရှားမှုသာဖြစ်ပြီး တခါတရံတွင်မူ အိန္ဒိယနှင့် ယူကေအစိုးရများအကြား "အစွန်းရောက်ဝါဒ” နှင့် နိုင်ငံရေးအရ လွတ်လပ်စွာ ဆန္ဒဖော်ထုတ်မှုအကြား တင်းမာမှုများ ဖြစ်ပေါ်လေ့ရှိသည်။ သို့ရာတွင် အကြမ်းဖက်မှုများလည်း ရံဖန်ရံခါ ဖြစ်ပေါ်လေ့ရှိသည်။

 

အိန္ဒိယ အငြိမ်းစား ဗိုလ်ချုပ် Kuldeep Singh Brar လန်ဒန်သို့ ၂၀၁၄ ခုနှစ်က လာရောက်လည်ပတ်စဉ် တိုက်ခိုက်ခံခဲ့ရပြီး မျက်နှာနှင့် လည်ပင်းတိုတွင့် ဓားဖြင့် တိုက်ခိုက်ခံခဲ့ရသည်။

 

ဆစ်ခ်ပြည်နယ်တစ်ခုအတွက် မတည်ငြိမ်မှုများနှင့် စိုးရိမ်မှုများ မြင့်တက်နေစဉ် ၁၉၈၄ ခုနှစ်၌ ဒုတိယဗိုလ်ချုပ်ကြီး Brar သည် Amristar ရှိ ရွှေဘုရားကျောင်းတော်ကို တိုက်ခိုက်သည့် အိန္ဒိယစစ်တပ်ကို ဦးဆောင်ခဲ့သည်။ ၎င်း ကျောင်းတော်မှာ ဆစ်ခ်လူမျိုးများ၏ အမွန်အမြတ်ဆုံး ကျောင်းတော်ဖြစ်ပြီး ထိုအချိန်က ခွဲထွက်ရေးခေါင်းဆောင်များ နေထိုင်ရာလည်း ဖြစ်သည်။

 

ရွှေဘုရားကျောင်းတော် စစ်ဆင်ရေးတွင် ခွဲထွက်ရေးသမားများအပါအဝင် ဆစ်ခ်လူမျိုး ရာပေါင်းများစွာ သေဆုံးခဲ့ပြီး ဆစ်ခ်ဘာသာရေးပွဲတော်နေ့ ဖြစ်သည့်အတွက် ဘုရားကျောင်းအတွင်းရှိ ဘုရားဖူးအများအပြား လည်း သေဆုံးရာတွင် ပါဝင်ခဲ့သည်။

 

ရွှေဘုရားကျောင်းတော် စစ်ဆင်ရေးတွင် ခွဲထွက်ရေးသမားများအပါအဝင် ဆစ်ခ်လူမျိုး ရာပေါင်းများစွာ သေဆုံးခဲ့ပြီး ဆစ်ခ်ဘာသာရေးပွဲတော်နေ့ဖြစ်သည့်အတွက် ဘုရားကျောင်းအတွင်းရှိ ဘုရားဖူးအများအပြား လည်း သေဆုံးရာတွင် ပါဝင်ခဲ့သည်။

 

၎င်းအဖြစ်အပျက်သည် အဓိက အချက်ဖြစ်ခဲ့ပြီး လက်စားချေသည့်အနေဖြင့် လေးလအကြာတွင် ဝန်ကြီးချုပ် Indira Gandhi ကို ၎င်း၏ ဆစ်ခ်လူမျိုး သက်တော်စောင့်က လုပ်ကြံခဲ့ကာ အိန္ဒိယနိုင်ငံတစ်ဝှမ်း ဆစ်ခ်ဆန့်ကျင့်ရေး လှုပ်ရှားမှုများ ဖြစ်ပေါ်စေခဲ့ပြီး ထောင်ပေါင်းများစွာ သေဆုံးခဲ့ကြသည်။

 

၎င်းအဖြစ်အပျက်များသည် အတိုင်းအတာတစ်ခုအထိ ဆစ်ခ်လူမျိုးတို့၏ အသိတွင် အလေးအနက် ရိုက်ခတ်နေဆဲဖြစ်သည်။

 

ဒုတိယဗိုလ်ချုပ်ကြီး Brar သည် ၂၀၁၄ ခုနှစ် လန်ဒန်တွင် ဓားဖြင့် တိုက်ခိုက်မှုမှ ရှင်သန်လွတ်မြောက်လာခဲ့ပြီး အိန္ဒိယစစ်တပ်၏ ရွှေကျောင်းတော်စစ်ဆင်ရေးတွင် ဖခင်နှင့် ညီအကိုတော်စပ်သူတို့ ဆုံးရှုံးခဲ့ရသည့် ဗြိတိသျှနိုင်ငံသား ဆစ်ခ်တစ်ဦးအပါအဝင် ၎င်းကို တိုက်ခိုက်သူများမှာ ထောင်ဒဏ် အပြစ်ပေးခံခဲ့ရသည်။

 

စကော့ ဆစ်ခ်လူမျိုး Jagtar Johal ကို ထောင်ချအရေးယူမှုအပါအဝင် မကြာသေးခင်နှစ်များအတွင်း ဖြစ်ပျက်ခဲ့မှုများမှ သက်သေအထောက်အထားများအရ အိန္ဒိယအစိုးရ၏ တောင်းဆိုမှုကြောင့် ဗြိတိသျှ ဆစ်ခ်လူမျိုး အများအပြားမှာ ဖိအားပေးမှုများနှင့် ရင်ဆိုင်နေရသည်ဟု ပြောကြားကြသည်။

 

၂၀၁၈ ခုနှစ်တွင် လန်ဒန်နှင့် မြေလတ်ပိုင်းများရှိ ဆစ်ခ်တက်ကြွလှုပ်ရှားသူ ငါးဦး၏ အိမ်များကို စီးနင်းခံခဲ့ရသည်။

 

အရေးယူမှုများ မပြုလုပ်ခဲ့သော်လည်း အိန္ဒိယမီဒီယာများတွင် အသေးစိတ်ဖော်ပြခဲ့သော စီးနင်းမှု အချက်အလက်များကို ဗြိတိသျှရဲတပ်ဖွဲ့က အများသိရန် မထုတ်ပြန်ခဲ့ခြင်းမှာ အိန္ဒိယအစိုးရ၏ ချုပ်ကိုင်မှု ပါဝင်နေခြင်းကြောင့် ဖြစ်နိုင်ကြောင်း ဆစ်ခ်အစုအဖွဲ့များက ပြောကြားကြသည်။

 

ယူကေအစိုးရ ယုံကြည်မှုဆိုင်ရာ ထိစပ်ပတ်သတ်မှု အကြံပေး Colin Bloom ၏ ဗြိတိန် ယုံကြည်မှုဆိုင်ရာ နယ်ပယ်မြင်ကွင်း ကို သုံးသပ်ရာမှ ရှာဖွေတွေ့ရှိမှုများအပေါ် မရှင်းလင်းမှုနှင့် စိုးရိမ်မှုများ ဗြိတိသျှ ဆစ်ခ်များအကြား ယခုနှစ်တွင် ဖြစ်ပေါ်လာသည်။

 

နှစ်များစွာ သုတေသနပြုပြီးနောက် Mr Bloom က ၎င်း၏ အဆုံးသတ်အစီရင်ခံစာတွင် ဆစ်ခ် "အစွန်းရောက်နှင့် အဖျက်လုပ်ရပ်များ” အပေါ်တွင် မူဆလင်၊ လက်ယာအစွန်းရောက်နှင့် ဟိန္ဒိူအစွန်းရောက်များ ပေါင်းစပ်ထား သည်ထက် ပိုမိုအာရုံစိုက်ထားသည်။

 

ဆစ်ခ်လူဦးရေ အများအပြားရှိသည့် နိုင်ငံများ၏ အစိုးရများ အထူးသဖြင့် ကနေဒါ၊ ဩစတြေးလျ၊ ယူကေတို့တွင် ဆစ်ခ်လှုပ်ရှားမှုများကို တန်ပြန်မှုပိုမိုလုပ်ဆောင်ရန် ပြောဆိုနေသည့် ဝန်ကြီးချုပ် မိုဒီ၏ အုပ်ချုပ်ရေးကို အစီရင်ခံစာ၏ ရှာဖွေတွေ့ရှိချက်များက သတင်းစကားပြောကြားနေခြင်းဖြစ်သည်ဟု ခံစားရကြောင်း ဆစ်ခ်ခေါင်းဆောင်များအပြားက အများသိအောင် ဖွင့်ဟ ပြောဆိုကြသည်။

 

"Khalistani ထောက်ခံသူ အစွန်းရောက်ဝါဒ" ကို ကိုင်တွယ်ဖြေရှင်းရန် ယူကေပြည်ထဲရေးဌာနမှ ပေါင် ၉၅ ၀၀၀ ပိုမိုသုံးစွဲမည်ဟု ပြီးခဲ့သည့်လတွင် ကြေငြာခဲ့သည်။

 

Khalistan ခွဲထွက်ရေး တောင်းဆိုမှုမှာ အိန္ဒိယတွင် မကြာသေးခင် ဆယ်စုနှစ်များအတွင်း မှေးမှိန်လာခဲ့သော်လည်း ဗြိတိသျှဆစ်ခ်လူမျိုးများအကြားတွင် တင်းမာမှုများနှင့် ကွဲပြားမှုများ ဆက်လက်ဖြစ်ပေါ်နေခဲ့သည်။ ဆစ်ခ်မွေးရပ်မြေ ဖန်တီးရေးကို ထောက်ခံအားပေးမှု မပြုသည့် အသိုင်းအဝိုင်းအတွင်းမှ ထင်ရှားသူများကို အွန်လိုင်းခြိမ်းခြောက်စာများ မကြာခဏ ပေးပို့ခံခဲ့ရသည်။

 

သို့သော် နှစ်ခြမ်းကွဲနေသည့် အသိုင်းအဝိုင်းများသည် တလွဲပုံဖော်မှုများကို စိုးရိမ်ရသည့်အတွက် ပေါင်းစည်းလာနေသည့်ပုံ တွေ့မြင်ရသည်။

 

“ဆစ်ခ်အသိုင်းအဝိုင်းဟာ ဗြိတိသျှလူမှုအဖွဲ့အစည်းမှာ ပါဝင်နေပြီး သူတို့ရဲ့ ပညာရေးကြိုးပမ်းအောင်မြင်မှု၊ ကိုယ်ကျိုးမဖက်မှုတွေကြောင့် လူသိများပါတယ်။” ဟု ဘာမင်ဂန် တက္ကသိုလ်မှ ဆစ်ခ် လေ့လာရေး ပါမောက္ခ Jagbir Jhutti Johal OBE က ပြောကြားသည်။ သူမက ဆွေးနွေးမှုမပြုသော်လည်း ပါမောက္ခ Johal သည် ယခင်က Khalistanis ထောက်ခံသူများ၏ ဒေါသကို ရင်ဆိုင်ခဲ့ရသူအများအနက် တစ်ဦးဖြစ်သည်။ နောက်ပိုင်းတွင်မူ သူမ ခံစားရသည့် ဖိအားများသည် အသိုင်းအဝိုင်းတစ်ခုလုံးအပေါ်သို့ သက်ရောက်နေသည့် အတွက် နက်နက်ရှိုင်းရှိုင်း စိုးရိမ်ခဲ့သည်။

 

“အိန္ဒိယနဲ့ ယူကေအစိုးရတွေရဲ့ 'အစွန်းရောက်ဝါဒ’ ကို အာရုံစိုက်မှုရဲ့ လတ်တလော ရလဒ်က အသိုင်းအဝိုင်းပေါ် မကောင်းမြင်မှုတွေအဖြစ် မမျှမတ ဖန်တီးပေးပါတယ်။ ဒါက ဆစ်ခ်လူမျိုးအများအပြားအတွက် အစိုးရနှစ်ခု လုံးကို မေးခွန်းထုတ်စရာတွေ ဖြစ်လာစေတယ်။” ဟု သူမက ပြောကြားသည်။

 

မကြာသေးမီနှစ်များအတွင်း ဆစ်ခ် အစွန်းရောက်ဝါဒကို ကိုင်တွယ်ဖြေရှင်းရန် အာရုံစိုက်၊ ဖြေရှင်းမှု အားလုံးသည် ကူညီရာမရောက်ဘဲ ဆန့်ကျင်ဘက် အကျိုးရလဒ်များ ကြုံတွေ့ရနိုင်သည်ဟု ပါမောက္ခ Johal က သတိပေးလိုက်သည်။

 

ယူကေ၏ နည်းလမ်းနှင့် ကနေဒါမှ သတင်းများက ငယ်ရွယ်သူ ဆစ်ခ်များကို စိုးရိမ်မှု မြင့်တက်စေလိမ့်မည်ဟု သူမက ပြောသည်။ သူတို့သည် ယခင်က စိတ်မဝင်စားသော်လည်း ယခုအခါ Khalistan အယူအဆ၊ ဆစ်ခ်များအပေါ် လူအခွင့်အရေး အလွဲသုံးစားမှု စွပ်စွဲချက်များ၊ လွတ်လပ်စွာ ဖော်ပြပြောဆိုမှု ကန့်သတ်ချက် များကို လေ့လာကြတော့မည်ဖြစ်သည်။

 

ကိုးကား - BBC၊ ABC News၊ AP

ပုံစာ - ကနေဒါမှ ဆန္ဒပြပွဲကဲ့သို့ Khalistan တက်ကြွလှုပ်ရှားမှု အများစုမှာ အကြမ်းမဖက်ကြပေ။ (Photo: Getty Images)