ဇွန် ၁၃။

 

ကော့ကရိတ်တောင်ပိုင်းကျေးရွာများအတွင်းသို့ စစ်ကောင်စီက ယနေ့ ဇွန်လ ၁၃ ရက် နံနက် ၁၀ နာရီ ဝန်းကျင်တွင် အတွဲလိုက်ဒုံးများဖြင့်အကြောင်းမဲ့ ပစ်ခတ်ခဲ့သည်။

 

ကော့ကရိတ်မြို့အခြေစိုက် စစ်ကောင်စီတပ်ရင်းများမှနေ၍ အတွဲလိုက်ဒုံး ရှစ်လုံးထက်မနည်းဖြင့် နှစ်ကြိမ် ပစ်ခတ်တိုက်ခိုက်ခဲ့ခြင်းဖြစ်သည်။

 

အဆိုပါ ပစ်ခတ်မှုကြောင့် အရပ်သားထိခိုက်မှုမရှိပေ။

 

ယခု ဇွန်လ ပထမပတ်တွင်လည်း စစ်ကောင်စီ၏ Drone မှ ဗုံးကြဲတိုက်ခိုက်မှုကြောင့် ကော့ကရိတ်တောင်ပိုင်း၊ ကမိုင်ကုန်းကျေးရွာမှ ဒေသခံတစ်ဦး သေဆုံးခဲ့ရသည်။

 

ကော့ကရိတ်မြို့မှ ဧပြီလ ၁၂ ရက်တွင် စတင်ထွက်ခွာခဲ့သည့် စစ်ကောင်စီ၏ နိုင်ငံတော်အဆင့် အောင်ဇေယျ စစ်ဆင်ရေးသည် နှစ်လကြာသည်အထိ ဒေါနတောင်ကို မကျော်နိုင်သေးပေ။

 

ထိုသို့ ရှေ့ဆက်မရဖြစ်နေသည့် အောင်ဇေယျစစ်ဆင်ရေးအတွက် ကော့ကရိတ်အခြေစိုက် စစ်ကောင်စီက ဟောင်ဝှစ်ဇာများ၊ အတွဲလိုက်ဒုံးများဖြင့် နေ့စဉ် ရမ်းကားပစ်ခတ်လျှက်ရှိနေသည်။

 

ပုံစာ - ပြီးခဲ့သည့်နှစ် ဒီဇင်ဘာလအတွင်း ကော့ကရိတ်တောင်ပိုင်းကျေးရွာတစ်ခု၌ စစ်ကောင်စီလက်နက်ကြီး ထိမှန်ထားသည့်နေရာတစ်ခု (ပုံဟောင်းဖြစ် သည်)

 

Burma Associated Press