ဧပြီ ၁၀

အမျိုးသားညီညွတ်ရေးအစိုးရ၊ ပညာရေးဝန်ကြီးဌာနက ယနေ့ ကြေညာလိုက်သည့် အွန်လိုင်းကျောင်း သုံးကျောင်း အပါအဝင် ကြားကာလအခြေခံ ပြည်သူ့ပညာရေးကျောင်းပေါင်း ၆၅ ကျောင်းအထိ ရှိလာပြီ ဖြစ်သည်။

အွန်လိုင်းစာသင်ကျောင်းများဖြစ်သည့် Estern Sun Federal School၊ Myanma Yadanar Federal School (မြန်မာ့ရတနာဖက်ဒရယ်ကျောင်း)၊ MYA NANDAR FEDERAL SCHOOL (မြနန္ဒာ ဖက်ဒရယ် ကျောင်း)တို့ကို ကြားကာလအခြေခံပြည်သူ့ပညာရေးကျောင်းအဖြစ် ယနေ့တွင် MOGEက ကြေညာလိုက်ခြင်း ဖြစ်သည်။

စိစစ်ဆဲ Online ကျောင်းများ အသိအမှတ်ပြုရေးနှင့် မြေပြင်ပြည်သူ့ ကျောင်းများအား အသိအမှတ်ပြု လက်မှတ် ထုတ်ပေးရေးတို့ကို အချိန်နှင့်တပြေးညီ ဆောင်ရွက်နေသည်ဟု MOGEက ဆိုထားသည်။

Burma Associated Press