ဖေဖော်ဝါရီ - ၁၂

 

ပြီးခဲ့သည့် သောကြာနေ့က ရှမ်းပြည်နယ် နောင်ချိုမြို့အနီးဖြစ်ပွားခဲ့သည့် ပြည်သူ့ကာကွယ်ရေး တပ်မတော် (မန္တလေး) နှင့် စစ်တပ်တို့အကြားက တိုက်ပွဲတွင် PDF ဖက်မှ ၂ ဦးကျဆုံးပြီး စစ်တပ်ဘက်က ၂၅ ဦး သေဆုံးခဲ့ကြောင်း MDY- PDF က ထုတ်ပြန်ထားသည်။

 

၆နာရီကြာမြင့်သည့်အဆိုပါ တိုက်ပွဲအတွင်း MDY- PDF မှ ရဲဘော်ဖိုးဝ နှင့် ရဲဘော်စစ်နိုင် ကျဆုံးခဲ့ကြောင်း၊ စစ်အုပ်စုဖက်မှ ၂၅ ဦး (မျက်မြင်အတည်ပြု) သေဆုံးခဲ့သလို၊ ထိခိုက်ဒဏ်ရာ ရသူတွေလည်း ရှိကြောင်း သိရသည်။

 

စစ်တပ်က ထိုးစစ်ဆင်လာသဖြင့် တိုက်ပွဲများ ပြင်းပြင်းထန်ထန် ဖြစ်ပွါးခဲ့ပြီး Mi 35 တိုက်ခိုက်ရေး ရဟတ်ယာဉ် များ အသုံးပြုခဲ့သလို ပြည်သူ့ကာကွယ်ရေးတပ်မတော် (မန္တလေး)ဘက်ကလည်း စစ်အုပ်စု​၏ ထိုးစစ်ကို ခုခံ တွန်းလှန်နိုင်ခဲ့ပြီး စစ်တပ်၏ လက်နက်များကို သိမ်းဆည်းရရှိခဲ့ကြောင်း ထုတ်ပြန်ချက်က ဆိုသည်။

 

အထက်ပါအချက်အလက်များနှင့်ပတ်သက်ပြီး ဘီအေပီက အတည်ပြုနိုင်ခြင်း မရှိသေးပါ။

 

Photo - Voice of Mandalay PDF

 

Burma Associated Press