နိုဝင်ဘာ ၉။

လားရှိုးမြို့နယ် ကုန်စုံကျေးရွာတွင် စစ်ကောင်စီတပ် ရှေ့တန်းမှ ထွက်ပြေးလာသော တပ်သားတစ်ဦး လက်နက် အပြည့်အစုံဖြင့် တအာင်းတပ်မတော် PSLF/TNLA ထံ နိုဝင်ဘာလ ၈ ရက်တွင် လာရောက် လက်နက်ချခဲ့သည်ဟု TNLA ကထုတ်ပြန်သည်။

 

လက်နက်ချလာသူသည် တပ်သား မောင်ဘုံနံ၊ ကိုယ်ပိုင်အမှတ် - တ-၅၈၁၁၅၈၊ စ.က.ခ(၁၀) လက်အောက်ခံ၊ ခ.မ.ရ -၃၆၂ တပ်ရင်းဖြစ်သည်ဟုဆိုသည်။ ၎င်းကို ဘေးကင်းရာသို့ ပို့ဆောင်ခဲ့ပြီး၊ လမ်းစရိတ်ချီးမြင့်ငွေ ကျပ် ၁၅ သိန်း ပေးခဲ့သည်ဟု TNLA ကဆိုသည်။

 

စစ်ဆင်ရေး ၁၀၂၇ စတင်ပြီးနောက် ကွမ်းလုံမြို့တောင်ဘက်ရှိ ကံမိုင်းဒေသ အခြေစိုက် ခြေလျင်တပ်ရင်း - (၁၄၃) မှ ဒုတပ်ရင်းမှူးအပါအဝင် အင်အား ၄၁ ဦးမှာ အောက်တိုဘာ ၃၀ ရက်က MNDAA ထံ လက်နက်ချခဲ့သေးသည်။

 

ဓာတ်ပုံ - TNLA သတင်းနှင့်ပြန်ကြားရေး

 

Burma Associated Press